Saturday, December 31, 2011

Среќни Новогодишни и Божиќни празници!

Среќни Новогодишни и Божиќни празници до читателите на овој блог. Се надевам дека барем малку успеав да го подобрам квалитетот на блогосферата во Македонија, со интересни одбрани содржини кои оставија впечаток во годината што си замина. Да не должам многу, уште еднаш, Среќна Нова Година со желба за успех на секое поле. Поздрав до следната година!

Tuesday, December 27, 2011

Продавницата за апликации на Windows Phone достигна 50.000!

Конечно, и порано од очекуваното, после само 14 месеци од пуштањето на новата серија на паметни мобилни телефони од Microsoft, веќе е помината границата од 50.000 апликации и игри и во моментот на пишување на статијата на пазарот можеа да се најдат 50.126 апликации од најразновидна содржина. 

На оперативниот систем на Microsoft му требаше една година да ја помине границата од 40.000 апликации, но само 40 дена за да ја помине границата од 50.000 апликации. Дневно се додаваат 265 апликации од кои 17.276 се додадени во последните 90 дена, а 8.010 се додадени во последните 30 дена. Овие апликации и игри се додадени од 13.002 најразновидни издавачи.

На графикот прикажан подоле е даден растот во број на апликации објавени на Windows Phone пазарот во последната година дена.


Но, треба да знаете дека вкупниот број на апликации не е ист на секој потрошувач подеднакво. Од вкупно 50.176 апликации кои се објавени на пазарот 6.000 не можат да се симнат од најразновидни причини (тргнати од Microsoft или повлечени од развивачите). Како додаток на ова, некои од апликациите се ексклузивни за некои пазари. На пазарот во Соединетите Држави има 42.655 апликации, Велика Британија (40.305), Франција (39.235), Шпанија (37.027), Италија (36.944), Германија (36.958), Австралија (37.024), Индија (36.752) и Сингапур (36.922).

За време на претходните четири недели, во просек се објавени 265 нови содржини декој ден. Кога пазарот ја достигна бројката од 40.000 апликации (16 Ноември 2011), бројката изнесуваше 165 апликации дневно, што значеше дека бројката раснеше.



Последните неколку недели имаше рапидно зголемување. Ова се должеше на два фактора: 

1. Ширење на пазарот географски, од 16 на 35 земји
2. Пуштањето на првиот Nokia Windows Phone уред

На долниот графикон може да ги видите содржините според категорија процентуално. Најголема застапеност има на категоријата Забава, потоа Книги и референци, игри и алатки и продуктивност. Овие четири категории (од седумнаесет) прават 57% од вкупната содржина на пазарот.


558% од апликациите кои може да се најдат на пазарот се бесплатни, 14% се ограничени, а 29% се платени. Само за споредба, соодносот на Android е 69%/31% бесплатни/платени а кај iOS тој сооднос изнесува 43%/57%.


ППодолу е прикажана споредба со другите оперативни системи и времето кое им било потребно за да ја пробијат границата од 50.000 апликации. На прво место се наоѓа iOS со 12 месеци, потоа Windows Phone со 14 месеци и Android со 19 месеци. Другите и не треба да се спомнуваат поради тоа што е очигледно дека им биле потребни повеќе од 25 месеци за да поминат границата од 50.000 апликации.


Извор: AAWP




Tuesday, December 20, 2011

Искористете ја тастатурата за управување на курсорот

Понекогаш вашето глувче (компјутерското, не домашно) можеби нема да функционира како што треба и нема да можете да го управувате движењето на курсорот. За време на тие ситуации вашата тастатура може да биде многу корисна која може да го замени вашето глувче додека не си купите ново. За да го направите ова, треба да ги следите простите чекори дадени подолу.

Прво ќе отидете во Control Panel и ќе одберете Accessibility Options. Од менито ќе го селектирате Mouse табот како што е прикажано на сликата.


Потоа чекирајте го квадратчето Use Mouse Keys и одберете Apply.  И готово, тоа е се што треба да направите за управување на вашиот курсор со помош на тастатурата.


Исто така може да ја промените брзината на курсорот и забрзувањето. Тоа може да го направите ако од истиот таб одберете Settings како што е прикажано на сликата подоле. 


Некои shortcuts кои ќе ви се најдат корисни:

Alt+лев Shift+Num lock ќе го отвори Accessibility прозорецот. По активирање на горните чекори, може да го користите "+" копчето за двоен клик или "5" за десен клик. Интересна опција која вреди да се искористи во случај на немање заменско глувче дома. 


Sunday, December 18, 2011

Директорот на одделот за дизајн во Microsoft зборува за Metro и за идните дизајни во Microsoft


Директорот за дизајн во Microsoft, Steve Kaneko неодамна даде интервју. Во него тој зборува за својата 20 годишна работа во Microsoft како дизајнер и за неговите разни дизајнерски улоги кои ги играл во Microsoft. 



Тој е уверен дека Microsoft е на вистинскиот пат со дизајните и новините кои ги спроведува како и неговото мислење за Metro дизајнот. Интересно интервју кое вреди да се погледне во целост. Уживајте!

Friday, December 16, 2011

Nokia Germany ја стави Lumia 800 на мраз!


Да, ова не е само бомбастичен наслов, туку е вистинска инвентивна реклама како може да се промовира една успешна приказна. Имено, работата е многу проста, кој ќе успее да го извади телефонот од замрзнатата површина, ќе си добие Nokia Lumia 800 гратис! Интересна и креативна реклама која вреди да се погледне!


Saturday, December 10, 2011

Како изгледаат работните канцеларии на Google во Лондон

Google е познат по својата инвентивност и разновидност. Четвртиот спрат на канцелариите на Google е целосно реновиран за да на вработените им даде конфорт и уживање кое неможе да го најдат во традиционалните компании, се со цел да бидат покреативни. Уредените простории располагаат со своја кујна каде јадењето им е целосно бесплатно во било кое време од денот, потоа кафетерија со дури 16 видови на кафе од кои 3 вида се специјално направени само за Google, како и канцеларии кои се креативни и немаат ништо класично. Како тоа е изведено и направено, може да погледнете од сликите подолу.

Tuesday, December 6, 2011

Рекламната кампања на Nokia продолжува!


Малото неверојатно шоу е слоганот на Nokia за новата рекламна кампања за Nokia Lumia 800. Веќе се посетени три града во Европа - Лондон, Берлин и Мадрид. Остануваат уште многу, па кој знае, можеби и некој од македонските градови ќе се најде на листата на градови кои треба да ги посети Nokia. Видеата се во продолжение.

Малото неверојатно шоу - Берлин


Малото неверојатно шоу - Лондон


Малото неверојатно шоу - Мадрид




Sunday, December 4, 2011

Кинескиот Nokia N9 телефон, со дури 7 мобилни оперативни системи!



Дуално бутирање на вашиот мобилен телефон бара добро техничко знаење за да може да го направите. Но што треба да направите ако сакате да ги имате сите главни мобилни оперативни системи на вашиот телефон? И тоа, не еден, туку 7! И за тоа има решение, ќе го фатите првиот авионски превоз за Кина и ќе си купите Nokia N9, копија се разбира.

Од видеото може да се види дека Кинезите успеале да направат телефон кој „работи“ на iOS, MeeGo, Android 3.1 Honeycomb (HTC Sense скин), Windows Phone 7.5 Mango, BlackBerry OS, Android 2.3 (Samsung TouchWiz 3.0 скин) и Symbian Anna.

Но, вистината е сосема различна. Телефонот всушност не е хепта бутабилен, туку само работи на различни скинови на MeeGo оперативниот систем кои се специјално направени да личат на определен оперативен систем.

                                       

За вешто око, ова нема да помине, се разбира, но кај баба и дедо? Се разбира ако сте за вистински телефон, треба да си го купите оригиналниот Nokia N9 или пак Nokia Lumia 800, но ако сакате нешто со кое ќе може да се фалите  тогаш може да ја купите кинеската копија. Од другите спецификации телефонот има цели 1.3 MP камера, 3.8 инчен WQVGA екран, но има и подршка за дуална SIM картичка!

Се на се, телефонот е уште еден доказ дека се' што е произведено во Кина, не значи дека треба да се купи.



Tuesday, November 29, 2011

AirDroid му дозволува на вашиот десктоп да го управува вашиот Android телефон

Да, добро прочитавте! AirDroid е проста, добро смислена апликација која ви дозволува преку вашиот десктоп компјутер контролирање на вашиот Android телефон.


За оние што поминуваат поголем дел од своето време пред компјутер, оваа апликација ќе им биде многу корисна, со тоа што нема повеќе да погледнувате на вашиот телефон дали имате пропуштени повици, пораки или евенти. Се разбира за да се оствари ова, компјутерот и телефонот треба да бидат на иста WiFi мрежа.


Добрата работа кај AirDroid е тоа што е лесен за работа и беспрекорно функционира. Интерфејсот е исполиран и разбирлив, со лента со алатки и контрола на речиси сите опции на вашиот телефон.

Една од импресивните опции е можноста да се пристапи до SMS пораките, да се праќа нова порака или да се бришат постоечките. Корисниците исто така може да ги прегледуваат или променат контактите од својот именик, инсталираат и бришат апликации, прегледуваат документи, пристапат до Android маркетот, како и промена и преглед на музиката и рингтоновите. Исто така може да го проверите нивото на батеријата и статусот на процесорот.



Најдобро од се е што AirDroid е бесплатен! Со толку голем дијапазон на опции, апликацијата вреди да се провери. Апликацијата може да ја симнете на следниот линк или пак да го скенирате QR кодот.

Thursday, November 24, 2011

LG испраќа покани за „ексклузивен евент“ на 1 Декември

Изгледа дека LG е спремен да направи своја ексклузивна евент забава за нов паметен телефон кој треба да излезе на 1 Декември. Но поканата не открива никакви информации ни детали, само дава до знаење дека се е скриено под црвените завеси, како што може да се забележи од сликата подоле.

Но според шушкањето на интернет, изгледа се работи за претстојниот Optimus LTE или попознат како LG Nitro 4G LTE телефон кој ќе може да се да се најде првично на американскиот пазар. 

Од спецификациите кои се познати за овој телефон се дека телефонот ќе располага со 4.5" NOVA дисплеј кој би давал неверојатно одлична слика со резолуција од 1280 x 720, dual-core 1.5GHz Qualcomm Snapdragon процесор, предна и задна камера. Но без многу шпекулации, се' ќе биде откриено на 1 декември!

Sunday, November 20, 2011

Windows 8 таблети ќе се појават во Јуни 2012!

Врската помеѓу Nokia и Microsoft може да стане уште поблиска во 2012 со изработка на Windows 8 таблети. Според Францускиот весник Les Echos, Paul Amsullem, кој е на чело во Nokia France, за интервјуто дадено во весникот вели дека во Јуни 2012 Nokia ќе има таблет кој ќе работи на Windows 8. 



Ова не е првпат Nokia да размислува за изработка на свои таблети. Само претходниот месец, претседателот на Nokia и CEO, Stephen Elop, даде мал хинт за можностите на Nokia таблети кои се базирани на оперативниот систем Windows:

„Кога ќе го видите корисничкото искуство од Nokia Lumia околината која се појавува на милиони таблети и PC-а во иднина, ќе приметите дека постои спој помеѓу овие средини. Ова е неверојатна можност за Nokia.“



Paul Amsellem за францускиот весник рече дека наскоро на пазарот треба да се најдат и уреди од поскапата класа на мобилни телефони кои ќе работат на Windows Phone 7.5.

„Nokia Lumia е еквивалент на BMW 5 серијата. Наскоро ќе имаме широк избор со серија 7 и серија 3.“

Wednesday, November 16, 2011

Intel 4004 - првиот комерцијален микропроцесор, наполни 40 години!


4 бита, околу 2.300 MOS транзистори и фантастична брзина од 740 kHz. Способен да изврши 92.000 инструкции во секунда. Ова се перформансите на првиот комплетен CPU на еден микрочип, како и првиот комерцијален микропроцесор воопшто.

Се започнало во 1969, кога јапонската Nippon Calculating Machine Corporation побарала од Intel да направи 12 чипа за нивниот калкулатор Busicom 141-PF. Инженерите Федерико Фагин, Тед Хоф и Стенли Мазор се нафатија да работат на дизајнот, и во 1971 ја направија 4004-ката. Ова 10-микронско чудо можеби е преголемо за денешни стандарди, но тогаш било навистина големо достигнување. Дури Федерико си ги напишал и своите иницијали ФФ на дизајнот, како вистински уметник. Погледнете го и видеото за повеќе информации, а за оние кои сакаат уште детали, еве го и комплетниот datasheet



Sunday, November 13, 2011

Слики од галантерија за новите Nokia Windows Phone



Дали сте знаеле дека 360.000 фотографии се сликаат секоја минута со Nokia телефон. Или пак дека 13 мобилни телефони се продадени од Nokia во една секунда? Статистиката вели дека 1.1 милијарда луѓе користат Nokia телефони и дека во една секунда се испраќаат 360.500 sms пораки и се остваруваат 165.000 повици со Nokia телефон.








Nokia почна да ја сфаќа озбилно својата доминатна позиција на пазарот, и со тоа почна да изработува галантерија и за новите Nokia Lumia 710 и Lumia 800 Windows Phone 7.5 телефони. Од најавата на овие телефони, од новата серија на Nokia, излегоа и маски и слушалки, се разбира во повеќе комбинации. Сликите од новата галантерија на Nokia може да ја погледнете подоле.








Автор: Мартин Страхиловски


Thursday, November 10, 2011

Најавено новото продолжение на GTA V!


За сите љубители на неодоливиот серијал Grand Theft Auto уште една новост која ќе ве израдува. Rockstar Games го објави видеото за новото продолжение на добропознатата GTA. Во ова продолжение главниот лик ќе проба да се скроти, но неговото криминално минато нема да му го дозволи тоа. И тука придолжува возењето скапи коли, извршувањето на мисии, летање со авион... Се на се' изгледа тимот на Rockstar Games се потрудил новото продолжение да биде перфектно, од графика па до дијалози и разноликоста на мисиите. И да не должам многу, погледнете го видеото од новото продолжение!


Автор: Мартин Страхиловски

Monday, November 7, 2011

Microsoft го направи најголемиот Windows Phone до сега!


Како што може да се види од сликата и од видеото приложено подоле, гигантот од Редмонд изгледа почна да ги сфаќа работите сериозно со рекламирање на новата линија на Windows Phone 7.5 паметните телефони. Всушност и не треба да дојде како изненадување, од проста причина што Microsoft оддели 26 милиони долари за рекламирање на своите производи, од кои 6 милиони одат за HTC, а околу 20 милиони за новиот стратешки партнер - Nokia. Новиот 6-катен паметен телефон е реклама за 4 нови телефони кои ќе може да се најдат на Американскиот пазар. Повеќе за евентот може да прочитате на официјалната Facebook страна на Microsoft.

video




Подоле може да погледнете неколку слики од новите реклами на Microsoft кои веќе може да се сретнат на американските и европските пазари.




Автор: Мартин Страхиловски

Friday, November 4, 2011

(Старо) Новиот Facebook Motorola телефон, официјално во продажба!


Ако мислевте дека се заборави на телефонот на Motorola, тогаш не сте во право. Претходно познат како EX225, изгледа телефонот со QWERTY тастатура може да има конечно официјално претставување и име. На следниот официјален линк од Motorola, може да ги прочитате спецификациите, можностите и да ја погледнете галеријата од новиот телефон кој наскоро ќе се најде во продажба. 


Имено, телефонот ќе има 2.4 - инчен екран на допир, 3 MP камера и своја платформа (која нема да биде Android). Телефонот ќе биде интегриран со Gmail, Facebook и Twitter и ќе има Facebook копче за директен пристап до мрежата. Според шпекулациите кои може да се пронајдат на интернет, изгледа дека Motorola и Facebook работат на свој заеднички оперативен систем, кој дали ќе биде успешен ќе видиме наскоро.

Автор: Мартин Страхиловски

Wednesday, November 2, 2011

Таблети на македонскиот пазар

Револуцијата на таблетите веќе подолго време може да ја забележиме и во нашиот двор. Сите најнови таблети, почнувајќи од Acer, Motorola, iPad, Asus, Samsung и многу други не толку познати модели, со цени кои варираат од 5.000 денари за најевтините, па до цени до 38.000 денари за најскапите. Сега ќе направам осврт за понудата кај нас, кои модели може да се сретнат и со какви карактеристики. Следува преглед на најпопуларните таблети на македонскиот пазар од мобилните оператори. Табелите за карактеристиките и цените се преземени од нивните страници.

Sunday, October 30, 2011

Топ 5 бежични принтери

Бежичните принтери и мултифункционалните принтери станаа неопходни и секојдневни парчиња хардвер кои може да се најдат по домовите и во малите фирми, но и многу поголеми бизниси почнаа да ги прифаќаат и да ја увидуваат нивната потреба, ефикаснот и ниска цена.



Статистиката вели дека секојдневно се зголемува бројот на продадени мултифункционални принтери во однос на обичните. Но ако сакате да бидете вистински мајстори, земете си бежичен принтер и сите ваши маки ќе бидат завршени.

Brother HN-2270DW

Цена: 150$

Се работи за принтер кој е со мали димензии, ефикасен, кој нуди Ethernet и Wi-Fi подршка.

Canon Pixma MG8120 Wireless Photo All-In-One 


Цена: 399$

Canon Pixma е најдобриот бежичен принтер од серијата на Canon, кој е комбинација од висока технологија, префинетост и мултифункционалност.

Canon Pixma MX882 Wireless Inkjet Office All-In-One

Цена: 199.99$

MX882 е комбинација од атрактивен дизајн со опции за домашно и канцелариско работење, кој принта одлично текст и слика.

Dell 1355cnw Multifunction Color Printer


Цена: 419.99$

Без разлика дали ви е потребен мултифункциски принтер за мала, средна или домашна канцеларија или пак личен мултифункциски принтер во било која големина, Dell 1335cnw е вистинскиот кандидат со импресивни перформанси.

Epson Stylus NX625

Цена: 149.99 $

Epson Stylist NX625 обезбедува неверојатна брзина, солиден излез и голем избор на опции за неверојатно ефтина цена.

Сите принтери во листата топ 5 принтери може да се најдат и на нашиот пазар.

Автор: Мартин Страхиловски

Thursday, October 27, 2011

Топ апликации за Windows Phone 7


Оперативниот систем на Microsoft кој неодамна славеше една година од своето постоење, веќе постигна многу. Во продавницата на апликации може да се најдат преку 35.600 најразновидни наслови. Статистиката покажува дека продавницата за апликации ја надмина дури и продавницата на апликации на Android и Apple, кога беа во своите зачетоци. Со оваа брза експанзија и најновиот апдејт Mango за кој ќе зборуваме во некоја од следниве статии, Microsoft го доби приматот на брзо растечки пазар и го зациментира своето трето место меѓу мобилните оперативни системи, земајќи добар дел од пазарот.

Во продавницата за апликации може да сретнете најразновидни апликации, од најпрости па до најсложени, евтини и скапи, зависно од вашиот вкус и џеб, се разбира. 

Microsoft Tag



До секоја апликација ќе биде ставен и Microsoft tag, кој функционира за директен пристап до апликациите со нивно скенирање, слично како QR кодовите. Microsoft Tag апликацијата може да ја симнете на следниот линк. Апликацијата е бесплатна.

YouTube


Како основна апликација која мора да се има би ја спомнал официјалната YouTube апликација, која е бесплатна и е неопходна, без разлика дали се работи за забава или едукација. Моменталната верзија е 1.0 и оригинално беше пуштена на 10 Октомври 2010, со големина од 0.29 MB. Наскоро се очекува следната верзија од истата. 

Adobe Reader


Се разбира дека и Adobe Reader треба да се најде на листата на неопходни апликации. Моменталната верзија е 9.0, а иницијално апликацијата беше пуштена на 20 Октомври 2010, со големина од 2.45 MB. Апликацијата е бесплатна.

Facebook


И овде нема многу што да се каже. Повеќето од вас се запознаени со мобилните верзии на Facebook. Моменталната верзија е 2.1, со големина од 2.20 MB. Истата иницијално беше пуштена на 19 Октомври 2010. Апликацијата има чист и прегледен интерфејс и секако дека е апликација која мора да се има. Апликацијата е бесплатна.

Twitter


Официјална апликација на Twitter. За сите оние на кои новиот апдејт со вградената Twitter интеграција не им е прегледен, може да ја симнат оваа апликација која има попрегледен интерфејс. Моменталната верзија е 1.0, која беше пуштена на 21 Октомври 2010, со големина од 2.95 MB. Апликацијата е бесплатна.

Connectivity Shortcuts


Оваа апликација ќе им биде многу корисна на корисниците на Windows Phone 7.5. Располага со 4 икони за избор и тоа за WiFi, Bluetooth, Aeroplane mode и Network. Иконите се анимирани. За сите оние кои немаат направено апдејт на најновата верзија на Windows OS, наречен Mango апдејт, нека побрзаат затоа што новата верзија донесува преку 500 нови подобрувања и нови можности. Официјалната верзија е 2.0, која беше пуштена на 8 Септември 2011. Големината на апликацијата изнесува 1.05 MB. Апликацијата е бесплатна.

The Weather Channel


Се разбира дека ако сакаме да излеземе од дома на прошетка или на работа, ја проверуваме временската прогноза за тековниот или следниот ден. Оваа апликација која се покажа како најпрегледна од сите на пазарот, се одликува со чист и прегледен дизајн. Може да пратите повеќе временски прогнози за повеќе градови кои може директно да ги закачите на вашата почетна страна. Моменталната верзија е 1.8, со големина од 13.14 MB. Апликацијата е бесплатна.

...i'm a WP7!


Апликација која изобилува со безброј корисни работи! Тука можете да ги погледнете последните статистики за тоа колку има корисници апликацијата (бројка од над 100.000 корисници ширум светот), со кои може да комуницирате преку испраќање на пораки. Може да најдете рингтонови, позадини, како и новости за платформата и телефоните. Се на се, сеопфатна апликација која вреди да се има. Моменталната верзија на пазарот е 3.3, со големина од 10.31 MB. Апликацијата е бесплатна.

AppFlow


Сакате да инсталирате апликација или игра, но не знаете за која да се одлучите? AppFlow е вистинскиот избор за вас. Со поделба по категории, од најатрактивни, па се до заборавени легенди, апликацијата ќе ви ги донесе сите апликации и игри од продавницата со апликации директно на вашиот екран. Апликацијата е со верзија 2.1 и големина од 11.16 MB. Апликацијата е бесплатна.

PhotoFunia


Имате направено одлична слика, но ќе биде уште поимпресивна ако ја направите црно-бела. Колку добро би ви се нашол еден лаптоп за да ја средите сликата и да ја ставите на Facebook или Google+ за да ви љубоморат пријателите. Но не очајувајте, затоа што со оваа апликација ќе дојде до израз уметникот во вас. Апликацијата располага со повеќе опции, од застарена фотографија па се до црна бела. Апликацијата е бесплатна, со големина од 3.44 MB. Моменталната верзија е 1.4.

Секако дека пазарот на апликации располага со безброј атрактивни, корисни и забавни апликации. Ова е само еден мал дел од оние најнеопходните кои ви се потребни за секојдневна комуникација и информација. Наскоро очекувајте ги и топ 10 игри за оваа платформа која секој ден станува се поценета.

Автор: Мартин Страхиловски