Уште едно изненадување од VIP! Пристигна Samsung Galaxy Nexus во Македонија!

Изгледа дека VIP има повеќе од едно изненадување! Истовремено со донесување на Nokia Lumia 800, го донесе и Samsung Galaxy Nexus! Од спецификациите за телефонот би ги издвоил 1.2 GHz Dual Core Cortex A9, 3.7 инчен AMOLED капацитивен дисплеј, 5 MP камера, 16 GB вградена меморија, 1 GB RAM и се разбира, најновиот Android OS 4.0 Ice Cream Sandwich!

Подолу се дадени спецификациите за телефонот преземени од официјалната страна на VIP. Цените на телефонот се движат од 0 до 28.999 денари во пост пејд, па до 31.999 денари само за уредот.

Технички карактеристики
Мрежа	GSM 850 / 900 / 1800 / 1900
Пренос на податоци	GPRS, EDGE, 3G
Интернет пребарување	HTML, Adobe Flash
Поврзување	Bluetooth, USB, WiFi, NFC
Пораки	SMS(threaded view), MMS, Email, Push Mail, IM, RSS
Екран	AMOLED capacitive touchscreen, 16M colors Size 480 x 800 pixels, 3.7 inches (~252 ppi pixel density) Multitouch Yes , Protection Corning Gorilla Glass - Nokia ClearBlack display
Камера	5 MP, 2592x1936 pixels, autofocus, LED flash
Видео	да, 1080p@30fps
Оперативен Систем	Android OS, v4.0 (Ice Cream Sandwich)
CPU	Dual-core 1.2 GHz Cortex-A9
Меморија
Вградена меморија	16 GB storage, 1GB RAM
Мемориска картичка	\
Мемориска картичка капацитет	\
Карактеристики на батеријата
Батерија тип	Li-ion
Батерија капацитет	1750 mAh
Време на мирување (часови)	290
Време на разговор (часови)	17
Физички карактеристики
Димензии на уредот	135.5 x 67.9 x 8.9 mm
Тежина (g)	135

Извор: VIP

Конечно! Nokia Lumia 800 пристигна во Македонија!

За сите оние кои го очекуваа овој телефон со нетрпение, и се прашуваа дали некогаш ќе дојде и во Македонија, конечно неизвесноста заврши! Vip кој е познат со својата брилијантност и ексклузивност на паметни телефони ( како податок лани веднаш после официјалната објава, беше донесен и LG Optimus 7 ) и сега не долго после официјалното светско пуштање на Nokia Lumia 800, VIP  го донесе паметниот телефон во Македонија! Цените и спецификациите може да ги погледнете на официјалната страна на Vip. 

Зависно од кој пакет сакате да го изберете телефонот, цените се движат од 0 па до 29.999 денари за само уред без пакет. Од спецификациите би ги споменал 8 MP камера, AMOLED 3.7 инчен екран осетлив на допир, 1.4 GHz Scorpion процесор, 512 MB RAM и секако, најновиот оперативен систем на Microsoft - Windows Phone 7.5 Mango!

Извор: VIP

Преку 5 милиони Android уреди заразени со вирус!

Symantec објави документ во кој детално е објаснета нова варијација на тројанец кој можеби веќе има заразено преку 5 милиони Android уреди на светско ниво!

Android.Counterclank е мала модификација на Android.Tonclank, кој е бот кој добива команди за да направи одредени акции, дури и да краде информации од уредот.

Вкупните бројки на симнување на сите заразени апликации индицира дека Android.Counterclank има најголема дистрибуција на било кој вирус дистрибуиран досега годинава. Сo 250 милиони Android уреди кои се активирани, изгледа дека голем број на Android корисници патат од вирус, симнати директно од Android маркетот и овој проблем само се зголемува и статистички гледано од минатата година, степенот на ширење изнесува неверојатни 1.320% годишно!

Додека Android пати од вирусни апликации кои секој ден ги има на поголем број, Windows Phone  е специјално дизајниран за да се одбегнат вакви ситуации. До сега, кога Windows Phone влегува со втората генерација на паметни телефони, Windows Phone маркетот има 0% вирусни и сомнителни апликации. Па затоа оваа платформа нема ниту антивирусни апликации баш поради фактот што нема потреба за нив. 

Епа сега е веќе очигледно дека при вашиот избор за нов телефон треба да одберете Windows Phone и да сте со мирна глава дека ваквите проблеми нема да ви се случат.

Извор: www.wppoweruser.com

Nokia Lumia Windows Phone евент во Данска!

Нокиа се докажа кај потрошувачите дека уште ја има магијата да направи неверојатен и интересен маркетиншки евент кој е интересен и иновативен. До сега Нокиа направи вакви големи евенти како Deadmau5 во Лондон, Haunted House во Берлин и Falsh Mobs во Индија. 

Сега направи исто така неверојатен евент во Копенхаген, Данска, каде за целите на официјалното пуштање беше искористен фудбалскиот стадион Parken. Со комбинација од огномет, играта Halo, ферари, FC Kobenhavn, нешто музика и wuala, ја имате вистинската добитна комбинација! Со вакви реални реклами, не е ни чудо што Нокиа е миленик во светот!

Извор: YouTube

Продавницата за апликации на Windows Phone достигна 60.000!

Повеќе од 60.000 наслови се објавени во продавницата за апликации на Windows Phone. Степенот на објавување продолжува да расне, со просечни 400 наслови кои се додаваат дневно за период од четири недели. Само за споредба, во декември кога беше помината бројката од 50.000 наслови, дневниот внес изнесуваше 265 наслови.

Беа потребни само 25 дена за да се дојде од 50.000 наслови до 60.000, споредено со 40 дена за да се дојде од 40.000 до 50.000. Во време на пишувањето, беа објавени 61.479 наслови. Од оваа бројка, 24.951 наслови се додадени во последните 90 дена, а 11.935 беа додадени во последните 30 дена. Овие наслови доаѓаат од 15.173 издавачи.

Растот на продавницата на Windows Phone до 21 Јануари

Во последната недела од 08.01.2012 до 15.01.2012, беа додадени 3.362 наслови во продавницата. Со овој раст, психичката бројка од 100.000 наслови која беше предвидена да биде помината во Април, би требала веќе најрано во Март да биде помината! 

Но, ќе се запрашате колку од објавените апликации би биле квалитетни? Во продавницата на апликации, 4.052 апликации се рангирани и коментирани 5 или повеќе пати. 

Неделно додавање на наслови во продавницата на Windows Phone (последната недела не е комплетна)

Извор: AAWP

SOPA и PIPA се мртви!

Контроверзниот закон за „заштита“ на авторските права на интернет (Stop Online Piracy Act) и  IP актот за заштита (Protect IP Act) беа повлечени денеска од нивниот творец Lamar Smith после минато неделните онлајн протести од најголемите и најмоќните ИТ компании во светот, како што се Wikipedia, Google, YouTube, Wired, Yahoo и тн. На страна на правдата застана и американскиот претседател Обама кој изјави дека нема да даде никаква подршка за овие контроверзни закони.

Со овој закон освен цензурата и забрана за работа на сајтовите кои располагаат со пиратски материјал, во случај да беше прифатен овој контроверзен закон, интернетот ќе беше поразлично место за живеење. Веќе можеше да се забележат обиди за цензура и забрана за работа која беше извршена врз сајтот www.megaupload.com за кој знам дека повеќето од вас имаат слушнато. Kако одговор на ова, групата Anonymous го направи најголемиот напад до сега и ги падна сајтовите на FBI, министерството за правда, Universal Music Group, Motion Picture Association и Warner Music Group.

Тоа е тоа народе, сега следниот чекор е да се внимава на вакви слични закони да не успеат да се прогураат на задна врата. Сега, за сега сите може да воздивнеме и да уживаме на благодетите на демократијата и слободното опшество кое го измисли најголемиот успех на човештвото - интернетот!

Разликата помеѓу geek и nerd!?

Повеќето од нас го имаат слушнато или ги употребуваат изразите geek и nerd за да опишат паметна ситуација. Но, што всушност значат овие поими и како да ги разликувате луѓето еден од друг кој е сезнајко, а кој е бубалица? Подолу може да погледнете два инфографици со разликите помеѓу овие две класи на бубалици, што ги дели еден од друг и како да ги разликувате!

Microsoft Surface се запознава со Windows Phone!

Видеото е направено на CES 2012, на кое може да се види новата верзија на Microsoft Surface 2.0 како се синхронизира со Windows Phone 7.5. Уште еден погодок за Microsoft и целиот екосистем. Изгледа интересно, нели?

Бришењето на „batterystats.bin“ кај Android телефоните нема да ви донесе подолго време на батеријата!

Без разлика кој модел го користите на Android паметните телефони или таблети, во некој момент сигурно сте наслушнале или добиле совет да го избришете „batterystats.bin“ фајлот т.е. да ја избришете статистиката за вашата батерија. Ова може да го направите, ако сте напреден корисник на оперативниот систем.

Според оние што велат така, бришењето на одреден фајл кое може да се оствари во Recovery, ќе му направи на телефонот да ги заборави претходните нивоа на полнење и ќе ви дозволи да ја „рекалибрирате“ батеријата. Според Dianne Hackborn, кој е инжинер во Google за  Андроид, се работи само за урбан мит!

Во случајот ако ја избришете статистиката за вашата батерија, ќе постигнете контра ефект и батеријата ќе ви трае помалку или пак воопшто нема да има никакви промени. Овој мит настана од тоа што корисниците велат дека батеријата при полни 100% е наполнета само 92% што со калибрација би требало да се отклони.

Но, инжинерите на Android велат дека ова не е вистина. Според нив, овој фајл ги чува информациите за тоа кои апликаци и процеси ја користат батеријата помеѓу полнењата и нема никаква врска со полнењето на телефонот. 

Со бришење на овој фајл, во суштина ја бришете информацијата за тоа кој процес и апликација ја користат батеријата, што се прави автоматски штом телефонот ќе се наполни. Со бришење на овој фајл нема да направите никаква фантастична и неверојатна работа.

Ретроспектива на Windows Phone 7 за 2011

Microsoft на својот блог објави ретроспектива за минатата година за успехот на Windows Phone 7.5. Како што може да се забележи, за едногодишно постоење бројките се импресивни! Веќе на пазарот на апликации може да се најдат 55k+ најразновидни наслови. Но, да не должам многу, бројките говорат сами за себе.

Извор: The Windows Phone Developer Blog 

Microsoft го заврши своето претставување на CES 2012

Microsoft го искористи овогодинешниот и воедно последен CES за него за да ја претстави досегашната работа и да ги претстави новостите и иновациите кои следат оваа година. Од следната година, Microsoft нема веќе да биде на CES поради фактот што датумот со евентот не одговара со иновациите на Microsoft. Но, како и да е, многу нови иновации беа преставени на излагањето, кои почнуваат од два нови Windows Phone 7.5 кои имаат подршка за 4G и LTE - Nokia Lumia 900 и HTC Titan 2. 

Освен тоа што се 4G паметни телефони, истите ќе бидат ексклузивни за мрежата на AT&T во САД, но дали истите ќе може да се најдат и на другите пазари, останува да видиме. И двата телефони имаат предна камера, со меморија од 16 GB, како и процесор од 1.4 GHz за Nokia односно 1.5 GHz за HTC. Titan 2 има камера од неверојатни 16 мегапиксели! 

Новиот HTC Titan 2 со неверојатна камера од 16 MP!

Новиот Nokia Lumia 900 со предна камера, 4G LTE подршка и камера од 8 MP

Воедно, ова е и првиот Windows Phone 7.5 паметен телефон кој располага со камера од 16 MP. Подолу може да ја погледнете сликата која е направена со оваа неверојатна резолуција. Кликнете на сликата за оригинална големина.

Потоа беше подетално претставен и новиот Windows 8 и најновите лап топи кои работат на Windows 7 кои ќе може лесно да се преинсталираат со новиот Windows 8. 

Новиот Metro изглед на Windows 8

Беше претставен и новиот систем на гласовна комуникација со XBOX и редизајнираниот кориснички Metro интерфејс кој заедно со Windows Phone 7.5, Windows 7 лап топ, новите таблети со Windows 8 ќе направат еден екосистем кој заедно до SkyDrive ќе направат една сеопфатна целина за која Microsoft говореше и направи предвидувања во далечната 1997 година. 

Финалните зборови на Steve Ballmer беа дека „Metro ќе ја води магијата на сите Microsoft искуства“, и кога беше запрашан што понатаму, Ballmer одговори просто: „Metro, Metro, Metro. Windows, Windows, Windows.“

Како за крај, погледнете го излагањето на Microsoft на следниот линк. 

Ново видео од серијалот „The Little Amaizing Show“ на Microsoft

Nokia денеска го објави шестото продолжение од серијалот „The Little Amaizing Show“. Епизодата беше снимана во 4 градови низ Индија. Интересно видео кое вреди да се погледне.

Ако ги пропуштивте претходните епизоди, може да ги погледнете подолу.

Епизода 1: Berlin

Епизода 2: London

Епизода 3: Madrid

Епизода 4: Night

Епизода 5: Paris